چهبار ءَ بلوچی چُکّی، ماں ھوٹگ ءَ کپتگ ءُ ساھی داتگ

رَسانک نیوز/ شمبے روچ 6 تیر ماہ 1405، چهبار ئے پُلاّن زِلّهئے مهمدزھی دمگ ءَ بلوچیں چُکّی ماں ھوٹگ ءَ کپتگ ءُ ساھی داتگ.

رَسانک ءَ اے بلوچی چُکّئے پجّار «ھسام‌الدین ابیر»، 10 سالگ، ساسان ئے چُک بُندر ءَ چهبار ئے پُلاّن زِلّهئے مهمدزھی دمگئے نندوک زانتگ۔ اے چُک پد چہ اشیا کہ ماں ھوٹگ ءَ کپتگ ءُ نہ توانتگی چہ آپ ءَ دَر کپیت ماں آپ ءَ گَرک بیتگ ءُ ساھی داتگ.

ھوٹگ ھماں آپ گِر ءَ گوَشنت کہ پہ اَبرمی وڑا یانکہ انسانئے دست ءَ جوڑ کنگ بوتگ ءُ ھور ئے آپ ماں آییا جم بیت ءُ مهلوک اے آپ ءَ کارمرز کننت۔ کنرک ءُ دشتیاری ئے بازیں دمگاں چہ سرکار ئے لولہ کشّیں آپ ءَ بے بهر اَنت ءُ مهلوک ھمے آپی کہ ماں ھوٹگ ءَ جم بوتگ پہ وتی ھر روچی زلورت ءَ کارمرز کننت.