رَسانک نیوز/ جمے 29 ھُرداد ماہ 1405، جالک ءِ بازار ءَ چہ سلاہ بندیں مردمانی تیرگواری ءَ دو بلوچ ءَ تیر وارتگ کہ یکّی چہ آیاں ساہ داتگ ءُ دومی دگہ ٹپّیگ بوتگ.
کُشگ بوتگیں بلوچئے پجّار «اَلَم سپاھی»، آروس کرتگ ءُ ھاشم ئے چُک، بُندر ءَ جالک ءِ نندوک ءُ ٹپّیگ بوتگیں بلوچئے پجّار داں انگت ءَ زانگ نہ بوتگ.
اے ھالئے رِد ءَ، سلاہ بندیں مردمان ءَ ماں جالک ئے بازار ءَ اَلَم ئے سرا تیرگواری کرتگ کہ آییا تیر وارتگ ءُ ساہ داتگ۔ چہ تیر گواری ءِ زورا یک دگہ جهمنندی ءَ ھم ماں دست ءَ تیر وارتگ ءُ ٹپّیگ بوتگ کہ پہ درمان ءَ شستون ئے رازی نادراہجاہ ءَ سرکنگ بوتگ.
جنوکانی پجّار ءُ آیانی سئوب چہ اے کار داں انگت ءَ زانگ نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment