رَسانک نیوز/ چارشمبے 27 ھُرداد ماہ 1405 ءِ شپ ءَ، دُزاپ ءِ کشاورز روڈ ءَ سپاہ پاسداران ئے نزامی ٹولی ءَ سئے بلوچ آوار جتگ ءُ چیریں جاگهی بُرتگ.
اے سئے بلوچئے پجّار «پرزاد زریپ دل»، 25 سالگ، ابداللّہ ئے چُک، آروس کرتگ ءُ یک زھگی ھست، «اکبال شاھوزھی»، 22 سالگ، ھبیب ئے چُک ءُ «مهدی دھمردہ»، 24 سالگ، مهمود ئے چُک، ھر سئے دُزاپ ءِ نندوک زانگ بوتگ اَنت.
اے ھالئے رِد ءَ، سپاہ پاسداران ئے نزامی ٹولی ءَ بید چہ کسور ءُ مئیار ئے گوَشگ ءُ در چہ سرکار ئے ھُکم ءَ ماں دُزاپ ءِ کشاورز روڈ ءَ اے سئے بلوچ دزگیر ءُ چیریں جاگهی بُرتگ۔ ھاندان ءُ لوگئے مردمان ءَ داں انگت ءَ آیانی بارئوا ھچ پئیمیں ھالی دست نہ کپتگ ءُ لوگئے مردمانی جُهد پہ ھالے سرپدئے دست کپگ ءَ بے نتیجگ بوتگ.
🔗 لینک کوتاه:
برای کپی روی دکمه کلیک کنید
Be the first to comment