رَسانک نیوز/ دوشمبے 25 ھُرداد ماہ 1405 ءِ بانگواہ ءَ، سرباز ءُ شستون ءِ راہ ءَ چہ سلاہ بندیں دُزّانی راھئے بندگ ءُ تیرگواری ءَ بلوچی ءَ تیر وارتگ ءُ سکّ ءَ ٹپّیگ بوتگ.
رَسانک ءَ اے بلوچئے پجّار «مهمد گمشادزھی»، 19 سالگ، الی بیک ئے چُک، شستون ئے ھوشک دمگئے نندوک زانتگ.
رَسانک ءِ ھال سرکنوکانی رِد ءَ، سلاہ بندیں دُزّاں کہ چہ پیسرا ماں راہ ءَ کمین کرتگ، پد چہ مهمد ئے گاڑی ئے اُوشتارینگ ءَ آییئے امبئے بارِش پُلتگ ھمیں وڑا آییئے موبایل ءُ گاڑییے مانیتور ھم دُزّ اِتگ۔ اے دوران ءَ چہ تیرگواری ءَ تیری مهمد ئے پادا لگّتگ.
ھال سرکنوکان ءَ گوَشتگ ائول سرا کہ دُزّاں مهمد ئے پدا کپتگ اَنت ءُ آییئے گاڑی ئے سرا تیرگواریش کرتگ، گاڑی ءَ لیٹ وارتگ ءُ مهمد ءَ ماں سرا لگّتگ ءُ ٹپّیگ بوتگ۔ آییئے ھالت باز نگیگ اِنت.
🔗 لینک کوتاه:
برای کپی روی دکمه کلیک کنید
Be the first to comment