دُزاپ ءَ سلاہ بندین ءُ پجّار نہ بوتگیں مردمانی تیرگواری ءَ بلوچی کُشگ بوتگ

رَسانک نیوز/ 26 ھُرداد ماہ 1405 ءِ شپ ءَ، دُزاپ ءَ بلوچی چہ سلاہ بندین ءُ بے پجّاریں مردمانی تیرگواری ءَ، تیری وارتگ ءُ ساھی داتگ.

رَسانک ءَ اے بلوچئے پجّار «مهمداُمر سپرزایی»، کِساس 28 سالگ، آدم ئے چُک ءُ دُزاپ ءِ نندوک زانتگ.

رَسانک ءِ ھال سرکنوکانی رِد ءَ، پد چہ اشیا کہ سواری گاڑی ئے نندوکان ءَ مهمداُمر ئے سرا تیرگواری کرتگ، آییا تیر وارتگ ءُ ٹپّیگ بوتگ۔ گوں اشیا کہ آیی نادراہجاہ ءَ سر کنگ بوتگ بلے ٹپّانی باز بوھگئے سئوب ءَ ساھی داتگ.

سلاہ بندیں مردمانی پجّار ءُ آیانی سئوب داں انگت ءَ زانگ نہ بوتگ.