رَسانک نیوز/ یکشمبے روچ 24 ھُرداد ماہ 1405، دُزاپ ءِ زیباشهر دمگ ءَ چہ سلاہ بندین ءُ پجّار نہ بوتگیں مردمانی تیرگواری ءَ، بلوچی ءَ تیر وارتگ ءُ ساھی داتگ.
رَسانک ءَ اے بلوچئے پجّار «پژمان رکشانی»، کِساس 29 سالگ، ھمید ئے چُک، دُزاپ ءِ زیبا شهر دمگئے جهمنند زانتگ.
رَسانک ءِ ھال سرکنوکانی رِد ءَ، شپ ءِ ساھت 9 ئے وھدا، ماں پئیگمبر اَزم روڈ ءَ کوئیک گاڑی ئے دو نندوک ءَ پژمان رکشانی ئے سرا تیرگواری کرتگ ءُ آیی چہ تیر ئے لگّگ ءَ سکّ ءَ ٹپّیک بوتگ۔ پد چہ اشیا دمگئے نندوکیں مردمان ءُ ھمساھگان ءَ گوں وتی زاتی گاڑی ءَ آیی دُزاپ ءِ ھاتم الانبیاء نادراہجاہ ءَ سر کرتگ۔ بلے بازیں ٹپّانی سئوب ءَ آیی ماں نادراہجاہ ءَ ساہ داتگ.
داں انگتا اُرش کنوکانی پجّار ءُ سئوب چہ اے کارا زانگ نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment