رَسانک نیوز/ مروچی شمبے 23 ھُرداد ماہ 1405، ورنائیں بلوچییے کُشوکاں کہ چہ اجباری ءَ پہ چُنت روچئے مُرھَسیا آتکا بوتگ ءُ ماں تاریک 6 پروردین ماہ ءَ سلاہ بندیں مردمان ءَ تیرگواری کرتگ ءُ کُشتگ، گوں اشیا کہ پہ آییئے کوشئے سرا پرمندہ جوڑ کنگ بوتگ، 79 روچ ءَ پد دزگیر نہ بوتگ اَنت.
رَسانک ءَ اے بلوچئے پجّار «سلمان کهرازھی»، 19 سالگ، اسلام ئے چُک، دُزاپ ءِ نندوک زانتگ.
رَسانک ءِ ھال سرکنوکانی رِد ءَ، سلمان چہ چارراہ رسولییے دکانداراں زانگ بوتگ ءُ اُداں بوتیک ئے دکانییے واھُند بوتگ، ھور گوں اشیا ماں پئوجئے 188 اُمیں پلٹن ءَ وتی اجباری ءَ ھم دلگوش بوتگ، کہ نوروز ءُ ویلئے روچ ءَ ماں مُرھَسیا بوتگ.
ھال سرکنوکان ءَ گوَشتگ شپ ئے ساھت دہ ئے وھدا کہ سلمان چارراہ رسولی ءَ وتی دُکان ءَ بند کنگ ءَ بوتگ سواری گاڑییے سلاہ بندیں نندوکان ءَ آییئے نزّیکا شُتگ ءُ تیرگواریش کرتگ، چہ تیرئے ورگ ءَ آییا ساہ داتگ ءُ اُرش کنوکاں ھم چہ جاہ ءَ در شُتگ اَنت.
گوَشنت کہ ویلئے وھدا، سلمانئے اجباری ئے آسر بوھگ ءَ بس پنچ ماہ دگہ پَشت کپت ءَ بوتگ ءُ آیی وتی آروسئے تئیاری ءَ دلگوش بوتگ۔ گوں اشیا کہ ماں دُزاپ ءِ جُست ءُ پُرس کنوکیں ادارہ ءَ اے کوش ئے سرا پرمندہ جوڑ کنگ بوتگ، کوشئے کنوکیں مردماں چُش کہ ھال سرکنوک گوَشنت ھر روچ ماں سوشل میڈیا ءَ چِست ءُ ائیر اَنت۔ ھاندان ءَ «چہ پرمندھئے پہ سُستی ئے سرا دیمروی، وتی نارازی درشان کرتگ».
Be the first to comment