پهرہ ءَ بلوچی کہ چہ تیرگواری ءَ ٹپّیگ بوتگ، ساھی داتگ

رَسانک نیوز/ دوشمبے روچ 18 ھُرداد ماہ 1405، پهرہ ءَ بلوچی کہ ماں تاریک 17 ھُرداد ماہ ءَ سلاہ بندیں ٹکّری ءَ تیر وارتگ ءُ ٹپّیگ بوتگ، نادراہجاہ ءَ سر بوھگ ءَ پد ساھی داتگ.

اے بلوچئے پجّار «مُستپا (مجتبا) برتر»، مجیب‌الرھمان ئے چُک، 24 سالگ، پهرہ ئے زِلّھ ڈمّن ءِ کوھیگان دمگئے نندوک زانگ بوتگ.

اے ھالئے رِد ءَ، 17 ھُرداد ماہ ءِ شپ ءَ، ساھت 22 ئے وھدا، ماں ٹکّر ءُ جیڑھی ءَ آیی ءَ ماں پادا تیر وارتگ ءُ ٹپّیگ بوتگ۔ گوں اشیا کہ درمانجاہ ءَ سر کنگ بوتگ بلے پہ وھدا درمان نہ بوھگئے سئوب ءَ ساھی داتگ۔ لوگئے مردمان ءَ اے گپّ ءَ زور داتگ کہ آپریشن ءِ کوٹیا دیرا بَرَگ، آییئے نگیگیں ھالت، گیش ءَ ھراب کرتگ.