نرمانشیر ءُ بزمان ئے راہ ءَ چہ گاڑییے لیٹ ورگ ءُ بُن گِرَگ ءَ بلوچی ٹیلکشّی ءَ ساہ داتگ

رَسانک نیوز / چارشمبهئے سُهب ءَ 20 ھُرداد ماہ 1405، نرمانشیر ءُ بزمان ئے راہ ءَ چہ ٹیلکشّیں گاڑییے لیٹ ورگ ءُ بُن گِرَگ ءَ بلوچی ٹیلکشّی ءَ ساہ داتگ.

اے بلوچی ٹیلکشّئے پجّار «ھُسین بارانی (ایجباری)»، 17 سالگ، اھمد ئے چُک، تپتان ئے چاہ اھمد دمگئے نندوک زانگ بوتگ.

رَسانک ءِ ھال سرکنوکانی رِد ءَ، اے ویل سباھئے ساھت 9 ئے وھدا پیش آتکگ، ھُسین ئے گاڑی ءَ لیٹ وارتگ ءُ بُن گپتگ ءُ آییا چہ بازیں سوچک ءُ ٹپّاں ساہ داتگ.