سرکاری میڈیا ءَ داوا کرتگ، شستون ءَ امنیتی ٹولی ءَ گوں ٹکّر ءَ چار مردم کُشگ بوتگ

رَسانک نیوز/ مروچی یکشمبے 17 ھُرداد ماہ 1405، سرکاری ءُ سپاہ پاسداران ئے ائیر دستیں میڈیا چُش کہ تسنیم ءَ داوا اِش کرتگ کہ شستون ءَ سلاہ بندیں گل ءُ امنیتی ٹولییے میان ءَ ٹکّر ءَ، گل ئے چار مردم کُشگ بوتگ۔ اے ھالئے رِد ءَ کہ ٹکّر ئے بارئوا گیشتریں گپّی نہ جتگ داوا کنگ بوتگ کہ «بازیں سلاہ ءُ تروریستانی ساز ءُ سامان دست ءَ کپتگ ءُ زپت کنگ بوتگ».

گوَشگ لوٹیت کہ گوستگیں روچ ءَ ھم «اَلی‌اکبر جاویدان»، سیستان ءُ بلوچستان ئے انتزامی کمانڈر ءَ جار جتگ کہ 15 ھُرداد ماہ ءِ شپ ءَ ماں زابل ءِ سیمسراں پیش آتکگیں سلاہ بندیں ٹکّر ءَ شش مردم کُشگ بوتگ.

داں انگتا ھچ گلی ءَ اے گزارشانی سرا وتی پد کرد نہ داتگ ءُ جَنَگ بوتگیں مردمانی پجّار ھم گوَشگ نہ بوتگ۔ اے ٹکّر ئے بابت ءَ گیشتریں ھالی دست نہ کپتگ.