رَسانک نیوز/ دوشمبے روچ 11 ھُرداد ماہ 1405، واش ءَ چیریں ادارھئے ٹولی ءَ بید چہ کسور ءُ مئیار ئے گوَشگ ءُ در چہ سرکار ئے ھُکم ءَ بلوچی دزگیر ءُ چیریں جاگهی بُرتگ.
اے بلوچئے پجّار «اپشین کرمزیی»، کِساس 30 سالگ، ابدلستار ئے چُک، آروس کرتگ ءُ دو زھگئے پت بُندر ءَ واشئے نندوکیں مردمی زانگ بوتگ.
اے ھالئے رِد ءَ چیریں ادارھئے ٹولی ءَ بید چہ کسور ءُ مئیار ئے گوَشگ ءُ در چہ سرکار ئے ھُکم ءَ اے بلوچ دزگیر کرتگ ءُ چیریں جاگهی برتگ، آییئے ھاندان ءَ داں انگت ھچ پئیمیں ھالے سرپدئے دئیگ نہ بوتگ. اپشین ئے ھاندان ءَ آییئے دزگیر بوھگ ءَ پد، اے بُن گپّ ءَ چُنت برا گوں امنیتی ادارھان ءَ رَندگیری کرتگ، بلے داں انگت ءَ آیان ءَ ھچ پئیمیں روژنیں پسّویی اپشین ئے دزگیر کنگ ءُ دارگئے جاگهئے بارئوا دئیگ نہ بوتگ.
داں اے ساھت ءَ اپشین کرمزیی ئے سرا بستگیں تُهمت ءُ آییئے انّیگیں جاور زانگ نہ بوتگ اَنت.
Be the first to comment