سرھس ءَ چیریں ادارہ ئے ٹولی ءَ لوگییے سرا اُرش ءَ پد بلوچیں پت ءُ چُکّی دزگیر کرتگ

رَسانک نیوز/ دوشمبے روچ 7 ھُرداد ماہ 1405، ھراسان رزوی سوبہ ئے سرھس شهر ئے کوش سربزی دمگ ءَ سپاہ ءِ چیریں ادارھئے ٹولی ءَ پُرّیگیں لوگییے سرا اُرش ءَ پد بلوچیں پت ءُ چکی دزگیر کرتگ ءُ چیریں جاگهی بُرتگ.

اے دویں بلوچئے پجّار «نادر رودینی»، کِساس 50 سالگ، آییئے چُک «یونس رودینی»، کِساس 19 سالگ، ھر دو سرھس ئے کوش بزی دمگئے نندوک زانگ بوتگ اَنت.

رَسانک ءِ ھال سرکنوکانی رِد ءَ، سپاہ ءِ چیریں ادارھئے ٹولی اے ھاندان ئے لوگئے سرا اُرش ءَ رَند ءُ پد چہ جاگہ ئے پٹ ءُ پول کنگ ءَ آیان ءَ دزگیر ءُ گوں وت بُرتگ۔ ٹولی ءَ اے بلوچانی دزگیر کنگ ءِ وھدا ھچ روژنیں گپّی دزگیر کنگ ءِ بارئوا نہ گوَشتگ ءُ نہ کہ سرکار ئے ھُکمش پیش داشتگ ءُ اے پت ءُ چُک ءَ چہ لوگ ءَ ڈنّ کرتگ ءُ گوں وت بُرتگ.