رَسانک نیوز/ یکشمبے روچ 10 ھُرداد ماہ 1405، نیمروز ئے سپیدآپہ دمگ ءَ امنیتی ٹولی ءَ بلوچی ءَ بید چہ آییئے کسور ءُ مئیار ئے گوَشگ ءَ دزگیر کرتگ ءُ چیریں جاگھی بُرتگ.
اے بلوچئے پجّار «ھامد براھویی»، 20 سالگ، داوود ئے چُک، نیمروز ئے سپیدآپہ دمگئے نندوکیں مردمی زانگ بوتگ.
اے ھالئے رِد ءَ، زابلئے چیریں ادارھئے سادہ پوشیں ٹولی ءَ سباھئے ساھت شش ءَ اے بلوچئے لوگئے سرا اُرش کرتگ ءُ بید چہ کسور ءُ مئیار ئے گوَشگ ءَ ھامد دزگیر کرتگ ءُ چیریں جاگهی بُرتگ۔ گوں اشیا کہ آیی یک سادگیں کارگری بوتگ، داں انگتا ھاندان ءُ لوگئے مردمان ءَ آییئے دزگیر کنگئے سئوب، آییئے سرا بستگیں تُهمت ءُ دارگ ئے جاگهئے بارئوا ھچ روژنائیں ھالی نہ داتگش.
🔗 لینک کوتاه:
برای کپی روی دکمه کلیک کنید
Be the first to comment