شستون ءَ سلاہ بندین ءُ بے پجّاریں مردمانی تیرگواری ءَ دو نوک ورنائیں بلوچ کُشگ ءُ ٹپّیگ بوتگ

رَسانک نیوز/ 24 پروردین ماہ 1405، شستون ئے ھوشّک دمگ ءَ چہ سلاہ بندین ءُ بے پجّاریں مردمانی تیرگواری ءَ دو نوک ورنائیں بلوچ کُشگ ءُ ٹپّیگ بوتگ.

کُشگ بوتگیں نوک ورنا ئے پجّار «نوید ھاکزھی»، کِساس 18 سالگ، مهمد ئے چُک، بُندر ءَ شستون ئے ھوشّک دمگئے نندوکیں مردمی زانگ بوتگ ءُ ٹپّیگ بوتگیں ورنا ئے پجّار «اَلی بهارمست»، کِساس 17 سالگ، بُندر ءَ شستون ءِ ناھوک دمگئے نندوکیں مردمی گوَشگ بوتگ.

اے‌ ھالئے رِد ءَ، سئے ھمسروکیں نوک ورنا پہ ترّ ءُ تاب ءَ ھوشّک ئے کش ءُ کِرّیں کوھاں شُتگ اَنت۔ آیاں بسیج ءِ تیر ئے میدان ءِ نزّیک ءَ بوتگ اَنت کہ دو نکاب پوشین ءُ سلاہ بندیں مردم اَچانک ءَ آیانی نزّیک ءَ شُتگ ءُ تیرگواریش کرتگ.

گوَشگ بیت، اے تیرگواری ءَ نوید چُنت تیر وارتگ ءُ جاہ ءَ ساھی داتگ، اَلی ءَ ھم دیمئے سرا تیر لگّتگ ءُ ٹپّیگ بوتگ۔ سئمیں ورنا کہ آییئے نام «مهمد» اِنت، پہ در روگ ءُ وتی ساہ ئے رَکّینگ ءَ سئوبین بوتگ.

سلاہ بندیں مردمانی پجّار ءُ آیانی سئوب داں انگت ءَ زانگ نہ بوتگ.