چهبار ءَ دو بلوچیں برات کہ امنیتی ٹولی ءَ دزگیر کرتگ، دو ھپتگ اِنت کہ بے ھالے سرپدئے اِنت

رَسانک نیوز/ شمبے 9 ھُرداد ماہ 1405، چھبار ءَ دو بلوچیں برات ئے دزگیر بوھگ ءَ دو ھپتگ ءَ گیش اِنت ءُ آیانی ھالے سرپد ئے دست نہ کپتگ۔ آیانی ھاندان ءُ لوگئے مردمان ءَ چہ اے جاور ءُ زمّهوارانی اَلکاپیں پسّو ئے نہ دئیگ ءَ وتی دل پریشانی درشان کرتگ.

اے دویں بلوچئے پجّار «نوربکش جدگال»، 34 سالگ، آروس کرتگ ءُ چھبار ئے پتروشیمی شرکت ئے کارمند، «یهیا جدگال»، 27 سالگ، اُرپ ادھم، ھر دو رسول بکش ئے چُک ءُ چھبار ئے نندوکیں مردم زانگ بوتگ اَنت.

اے ھالئے رِد ءَ، امنیتی ٹولی ءَ نوربکش کار ئے سرا روگئے وھدا دزگیر ءُ یهیا کہ چھبار ئے رئیل گاڑییے پروژہ ئے سرا کارا بوتگ، امنیتی ٹولییا یهیا ءُ آییئے برات نوربکش ءَ یکّیں وھدا دزگیر کرتگ۔ اے دو برات ئے دزگیر کنگ ءَ ھور امنیتی ٹولییا آیانی پُرّیگیں لوگانی سرا ھم اُرش کرتگ ءُ پٹ ءُ پولا رَند چیریں جاگھی برتگ اَنت۔ گوستگیں روچان ءَ گوں اشیا کہ ھاندان ءَ باز رَندگیری کرتگ، بلے ھچ امنیتی ادارھی ءَ آیانی مئیار ءُ دارگئے جاگہ ئے بارئوا الکاپیں پسّویی نہ داتگ۔ اے گپّ ءَ ھاندان ءُ لوگئے مردمانی دل پریشانی گیش کرتگ.