رَسانک نیوز/ جمے 8 ھُرداد ماہ 1405 ءِ شپ ءَ، پهرہ ءَ دو بلوچیں جهمنند سلاہ بندین ءُ بے پجّاریں مردمانی تیرگواری ئے دپ ءَ کپتگ اَنت کہ یکی چہ جهمننداں کُشگ ءُ آ دگہ ٹپّیگ بوتگ.
رَسانک ءَ کُشگ بوتگیں بلوچئے پجّار «مسلم ائیدوزھی (براھویی)»، کِساس 20 سالگ، ملک نور ئے چُک، ٹپّیگ بوتگیں بلوچئے پجّار «اویس ائیدوزھی (براھویی)»، انوشیروان ئے چُک، دویں بُندر ءَ واش ءِ نندوک، پهرہ ئے جهمنند زانتگ.
رَسانک ءِ ھال سرکنوکانی رِد ءَ، مسلم ءُ اویس پہ سودا ئے زورگ ءَ پهرہ ئے ایران پیما میدان ءَ شُتگ اَنت، سواری گاڑی ئے نندوکان ءَ آیانی سرا تَچکیں تیرگواری کرتگ۔ مسلم ءَ تیر وارتگ ءُ جاہ ءَ ساہ داتگ، اویس ءَ ھم ماں دست ءَ تیر لگّتگ ءُ ٹپّیگ بوتگ.
سلاہ بندیں مردماں تیرگواری ءَ پد چہ جاہ ءَ در شُتگ اَنت ءُ داں انگت ءَ آیانی پجّار ءُ سئوب چہ اے کار زانگ نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment