رَسانک نیوز/ شمبے روچ 26 اردیبهشت ماہ 1405، دُزاپ ءِ بندیگجاہ ءَ بلوچیں بندیگی کہ آییئے سرا امنیتی تهمت ئے بستگ، بید چہ آییئے ھاندان ئے سهیگ کنگ ءُ گُڑسریں دیدار ءَ ماں اے بندیگجاہ ءَ پاھو دئیگ بوتگ.
اے بلوچ بندیگئے پجّار «الیاس زینالدینی»، کِساس 44 سالگ، جلال ئے چُک، لاشار ئے نندوکیں مردمی زانگ بوتگ.
اے ھالئے رِد ءَ، الیاس ماں سال 1394 پہ ٹکّرییے ھور بئیگ ءَ کہ آ ٹکّر ءَ نزامی کارمندی کُشگ بوتگ دزگیر ءُ چُنت سال ءَ امنیتی پرمندہ ئے دیمپان بوتگ.
گوَشگ بیت پہ آییا دو پاھو ئے ھُکم بُرّگ بوتگ یکی پہ «مُهاربا» ءُ یک ھُکمی پہ «سلاہ بندیں ٹکّر ءَ ھور بئیگ کہ آ ٹکّر ءَ نزامییے کُشگ بوتگ».
سے بندیگ ئے پاھو ئے ھُکمئے سرا ماں دُزاپ ءِ بندیگجاہ ءَ کاروایی بید چہ آییئے ھاندان ئے سهیگ کنگ ءُ گُڑسریں دیدار ءَ کنگ بوتگ.
🔗 لینک کوتاه:
برای کپی روی دکمه کلیک کنید
Be the first to comment