بیرجند ئے بندیگجاہ ءَ بلوچیں بندیگی پاھو دئیگ بوتگ

رَسانک نیوز/ سئے شمبے روچ 15 اردیبهشت ماہ 1405، بیرجند ئے بندیگجاہ ءَ بلوچی بندیگی کہ پہ مواد ئے الزام ءَ دو سال و نیم ماں اے زندان ءَ بندیگ بوتگ ءُ گوں پرمندہ ئے دیمروی ءَ چہ انکلاب آمیدگِس ءَ پاھو ئے ھُکمی وارتگ۔ مروچی بندیگجاہ ئے زمّهواران ءَ آیی پاھو داتگ.

اے بلوچیں بندیگئے پجّار «مهمد رشکن چاکرزھی»، 55 سالگ، شیرمهمد ئے چُک، آروس کرتگ ءُ یک زھگئے پت، بُندر ءَ سرھس ئے نندوکیں مردم ءُ مشهد ئے جهمنند زانگ بوتگ.

ھال وشّ ئے ھالانی رِد ءَ، مهمد رشکن چاکرزھی بندیگ بوھگئے دوران ءَ ماں اَنچُشیں جاوران ءَ بندیگ بوتگ کہ ھاندان ءَ پہ اَلکاپی ءَ نہ توانتگ گوں آییا دیدار بکننت ءُ چہ آییئے ھالا سهیگ نہ بوتگ اَنت۔ ھال سرکنوکان ءَ گوَشتگ کہ آییئے پاھو ئے ھُکم ئے سرا کاروایی، بید چہ لوگئے مردمانی سهیگ کنگ ءُ بید چہ گُڑسریں گِندوک ءَ بوتگ.

اے بلوچی بندیگ پیش چہ دزگیر بوھگ ءَ گوں بازیں ناجوڑیاں چُش کہ جگر ئے پیوند ءَ دیمپان بوتگ۔ ھمیں وڑا بندیگ بوھگئے دوران ءَ پہ اَلکاپیں درمان ءُ زانتکاریں ڈاکٹران ءَ دسرس نہ بوھگئے سئوب ءَ دل ءِ نادراھی ءَ آیی گون جتگ ءُ دل ئے آپریشنی کرتگ۔ گوں اشیا کہ آییئے ھالت نگیگ ءُ مُدامی آییا ڈاکٹرانی زلورت بوتگ، آییئے پاھو ئے ھکمئے سرا کاروایی کنگ بوتگ.