دُزاپ ءَ امنیتی ادارھانی پد ماں پدی لوٹ ءُ دزگیر کنگ ءَ رَند بے ھالے سرپدئے اِنت

رَسانک نیوز/ دوشمبے 4 ھرداد ماہ 1405، دہ روچ ءَ بُرز اِنت کہ گُڑ سریں رَندا دُزاپ ءِ چیریں ادارہ ءَ بلوچی ءَ پہ جُست ءُ پُرس ءَ لوٹتگ ءُ اشیا پد آییئے ھچ پیمیں ھالے سرپد ئے نیست اِنت ءُ ھاندان ءُ لوگئے مردم چہ آییئے ھالئے زانگ ءَ بے بهر اَنت۔ مهمد ئے بے ھالے سرپدئے برجاہ بئیگ گوں اے ھالا کہ آئی آزار دئیگ بوتگ ءُ ھمیں وڑا آییئے مِرگییے نادارھی ئے سئوب ءَ، ھاندان ئے دل پریشانی گیش کرتگ.

اے بلوچئے پجّار «مهمد زرائتی»، 23 سالگ، پرامرز ئے چُک، کارگر، بُندر ءَ پهرہ ئے مردم ءُ ڈمّن ئے جهمنند گوَشگ بوتگ، کہ ماں تاریک 25 اردیبهشت ماہ 1405 ءَ گوں چیریں ادارھئے لوٹ ءُ اُد ئے روگ ءَ پد دزگیر کنگ بوتگ۔ چہ آ وھدا بگر تانکہ روچ مروچی ھچ پیمیں تَچکیں ھالی چہ آییا دست نہ کپتگ.

سے ھالئے رِد ءَ، مهمد ئے دزگیر کنگ ءُ چیریں ادارھئے پد ماں پدی لوٹ ئے سئوب آییئے مستریں برات ئے ایرانی سرکار ئے ھلاپیں گل ءَ ھور بئیگ گوشتگ۔ پروردین ءُ اردیبهشت ماھانی در ءُ دورا آیی سرجم سئے برا پہ ٹلپون ءِ سرا دُزاپ ءِ چیریں ادارہ ءَ لوٹگ بوتگ.

گوَشگ بیت: ائولی ءُ دومی براں آیی پد چہ چُنت ساھت جُست ءُ پرس ءُ آزار دئیگ ءَ ماں دُزاپ ءِ دمگان ءَ یلہ دئیگ بوتگ۔ سئے اُمیں لوٹ ءَ، مهمد گوں وتی لوگئے مردماں ھوری ءَ دُزاپ ءِ چیریں ادارہ ءَ شُتگ کہ اُداں آیی ءِ ھاندان ءَ تها بئیگ ئے موکل اِش نداتگ ءُ ایوک ءَ وت تها شُتگ ءُ دگہ در نہ آتکگ.

اے بلوچ دزگیر بئیگ ئے پیشگیں براں زور ءُ ھژم، ماں شرمگاہ، سرین، سینگ، گُٹّگاں برگی شئوکر ئے کارمرز کنگ ءُ دُژنام ءُ بدیں لبزانی دیمپان بوتگ۔ پیسرا چہ دُزاپ ءِ روگ ءَ، پهرہ ئے چیریں ادارہ ءَ ھم چُنت برا مهمد لوٹتگ ءُ جُست ءُ پُرس کرتگ۔ ھاندان ءَ پہ آییئے مِرگییے نادراھی ءَ دلگوش داتگ ءُ پہ ھالے سرپدئے زانگ ءَ وتی دل پریشانی درشان کرتگ اَنت.

داں انگت ءَ زمّهواریں ادارھان ءَ آییئے دارگ ئے جاور، بستگیں بُهتان ءُ وکیل ئے دارگ ئے ھکّ ئے بارئوا، ھمیں پئیم گوں ھاندان ءَ جُڑگ ئے بابت ءَ ھچ وڑیں روژنائیں درشانی نہ داتگ.