پهرہ ءَ سلاہ بندیں مردمانی تیرگواری ءَ دو جهمنند کُشگ ءُ ٹپّیگ بوتگ/ مردمان ءَ یکی چہ جنوکان ءَ دزگیر ءُ کلانتری ئے دست ءَ داتگ

رَسانک نیوز/ دوشمبے 21 اردیبهشت ماہ 1405 ءِ بیگاہ ءَ، پهرہ ئے شهردراج دمگ ءَ چہ سلاہ بندیں مردمانی، پُرّیگیں لوگییے تها تیرگواری ءَ، یک جهمنندی ءَ تیر وارتگ ءُ ساہ داتگ، یک دگہ مردمی ھم ٹپّیگ بوتگ۔ تیرگواری ءَ پد، دمگ ءَ ساڑی ایں مردمان ءَ توانتگ یکی چہ جنوکان ءَ دزگیر ءُ کلانتری ئے دست ءَ بدیئنت.

رَسانک ءَ ساہ داتگیں جهمنند ئے پجّار «مهمدامین مهمودزھی»، 23 سالگ، ایسّا ئے چُک، ٹپّیگ بوتگیں جهمنند ئے پجّار «گپّار برھانزھی»، 35 سالگ، ھُدابکش ئے چُک، ھر دو پهرہ ئے شهر دراج دمگئے نندوکیں مردم زانتگ.

رَسانک ءِ ھال سرکنوکانی رِد ءَ، مهمدامین ءُ گپّار کہ امین ئے ناکو زھت بیت، شپ ءِ ساھت 11 ئے نزّیک ءَ سواری گاڑی ئے سلاہ بندیں مردمان ءَ آیانی لوگئے سرا تیرگواری کرتگ، مهمدامین ءَ تیر وارتگ ءُ سکّ ءَ ٹپّیگ بوتگ کہ نادراھجاہ ءَ سر بوھگ ءَ پد ساھی داتگ۔ گپّار ءَ ھم ماں پادا تیر وارتگ ءُ ٹپّیگ بوتگ.

ھال سرکنوکان ءَ گوشتگ: یکی چہ جنوکاں ماں ھماں بُنگیجی وھدا دمگئے مردمانی دست ءَ کپتگ۔ دمگئے مردم گوں کلانتری ءَ  جُڑتگ اَنت ءُ آییا انتزامی ٹولیئے دست ءَ داتگ.

تیرگواری ئے سئوب ءُ پژدر داں انگت ءَ زانگ نہ‌ بوتگ.