رَسانک نیوز/ جمے روچ 18 اردیبهشت ماہ 1405، گہ ئے امنیتی ٹولی ءَ بلوچی کہ چہ اومان ءَ وتی بُندر ئے جاگہ کارپدین دمگ ءَ پدترّتگ، اُد ئے چیریں ادارہ ئے سادہ پوشیں ٹولی ءَ آییئے لوگئے سرا اُرش ءَ پد بید چہ کسور ءُ مئیار ئے گوشگ ءَ دزگیر کرتگ ءُ چُنت ساھت ءَ پد پہ دُزاپ ءَ شئور داتگ.
رَسانک ءَ اے بلوچئے پجّار «شهیم بهرامی»، 30 سالگ، روشن ئے چُک، آروس کرتگ ءُ چار زھگئے پت، بُندر ءَ گِہ ئے مُهت زِلّهئے کارپدین دمگئے نندوکیں مردمی زانتگ.
رَسانک ءِ ھال سرکنوکانی رِد ءَ، شهیم ءَ زھنی ءُ دماگی نادُراھی است اِنت ءُ گوستگیں سالان ءَ اومان ءَ ماں میوگئے دکانی ءَ کار ءَ بوتگ۔ اشیا پد کہ چہ اومان ءَ وتی دمگ ءَ واتر بوتگ، چیریں ادارہ ئے ٹولی ءَ آئی آوار جتگ ءُ ھماں روچ ءَ پہ دُزاپ ءَ شور داتگ.
ھال سرکنوکان ءَ گوشتگ، ھاندانئے بازیں رَندگیری ءَ پد آیان ءَ گوشتگش کہ «شهیم پہ سوشل میڈیا ئے چِست ءُ ایر ءَ دزگیر کنگ بوتگ»۔ گوں اے جاوراں ھاندان ءَ آییئے سوشل میڈیا ئے چِست ءُ ایر بَس پہ وتی دلگوش بئیگ ءَ زانتگ ءُ اے گپّ کہ آئی سیاسی گل ءُ تنزیماں گوں ھوار اِنت رَد کرتگ.
Be the first to comment