رَسانک نیوز/ سئے شمبے روچ 8 اردیبهشت ماہ 1405، کلات گنج ءِ تمبت دمگ ءَ چہ سلاہ بندین ءُ بے پجّاریں مردمانی تیرگواری ءَ بلوچی وتی لوگ بانوکئے ھوری ءَ تیر وارتگ ءُ ساہ داتگ۔ امنیتی ٹولی ھمیں تَچکی ءَ پہ ویل ءَ گوں جُڑتگیں چِست ءُ ایرا یک مردمی دزگیر کرتگ.
کُشگ بوتگیں بلوچیں جوڑیئے پجّار «جلال نارویی»، ابولهسن ئے چُک، کلات گنج ئے نندوکیں مردم ءُ آییئے لوگی «پاتما نوابی»، گوشگ بوتگ.
ھال سرکنوکانی رِد ءَ، اے جوڑی ساھت 18 ئے وھدا پد چہ اشیا کہ چل منی دمگ ءَ آروسی مهپلی شُتگ اَنت، لوگ ءَ پدّترگ ئے وھدا کلات گنج ئے تمبت دمگئے نزّیک ءَ سلاہ بندین ءُ بے پجّاریں مردمان ءَ آیانی گاڑی ئے سرا تیرگواری کرتگ۔ اے اُرش ءَ جن ءُ مرد ءَ ھر دویں تیر وارتگ ءُ جاھا ساہ داتگ۔ آیانی یک چُکّی ھم ویلئے وھدا گاڑیا نندوک بوتگ بلے چہ تیراں رَکّتگ ءُ پرواھی نہ بوتگ.
ھال سرکنوکان ءَ گوشتگ: گوں اے ویل ءَ جُڑتگیں چِست ءُ ایر ئے ھاترا یک مردمی دزگیر کنگ بوتگ ءُ چہ گامگیجی پٹ ءُ پول ءَ اے ویلئے پُژدر زاتی بیڑی جاہ کئیت.
گوشگ لوٹیت اے تیرگواری ءَ کُشگ بوتگیں مردم، امنیتی ادارھانی کارندگ بوتگ کہ سلاہ بندیں مردمان ءَ آییئے سرا تیرگواری کرتگ.
Be the first to comment