رَسانک نیوز/ 18 پروردین ماہ 1405 ءِ روچ ءَ، دُزاپ ءِ سیمسراں لار دمگ ءَ چہ سپاہ پاسداران ئے کل کرتگیں مین ئے تراک ءَ یک بلوچی ساہ داتگ ءُ یک دگری ٹپّیگ بوتگ.
ساہ داتگیں بلوچئے پجّار «دوران براھویی (مهمدھسنی)»، کِساس 43 سالگ، آروس کرتگ ءُ زھگانی پت، تپتان ئے نندوکیں مردمی زانگ بوتگ ءُ ٹپّیگ بوتگیں مردمئے پجّار داں انگت ءَ گوَشگ نہ بوتگ.
اے ھالئے رِد ءَ، پد چہ مین ئے تراک ءَ ٹپّیگ بوتگیں مردم ءَ دمگئے جهمنندان ءَ نادراہجاھا سر کرتگ، بلہ بیراں بوتگیں مردمئے بے ساھیں جون ویل ئے جاھا یلہ دئیگ بوتگ۔ آییئے سیاد ءُ مردمان ءَ پہ بے ساھیں جونئے دست ءَ گِرَگ ءَ مُردگ جاہ ءُ سیمسر ئے پاسگاہ ءَ شُتگ اَنت۔ بلہ آیان ءَ ھچ پئیمیں پد ءُ نشانی چہ آییئے جون ءَ دست نہ کپتگ۔ آییئے بے ساھیں جون ویلئے دو روچ ءَ پد سیاد ءُ لوگئے مردمانی دست ءَ کپتگ ءُ ھاکاں ایر دئیگ بوتگ.
Be the first to comment