رَسانک نیوز/ مروچی دوشمبے 14 اردیبهشت ماہ 1405، اسپهان ئے بندیگجاہ ءَ بلوچے بندیگی کہ پیشترا پہ مواد ئے چِست ءُ ائیرا پاھو ئے ھُکم وارتگ، پاھو دئیگ بوتگ.
اے بلوچیں بندیگ ئے پجّار «کاسم نوری رودینی»، 32 سالگ، مهمد ئے چُک، آروس کرتگ ءُ دو چُکّی ھست، بُندر ءَ دُزاپ ءِ مردم گوشگ بوتگ.
ھال وشّ ئے ھالانی رِد ءَ، کاسم سال 1397 ءَ پہ مواد ئے الزام ءَ ماں نایین ءَ دزگیر کنگ بوتگ ءُ پہ اسپهان ئے دستگرد بندیگجاہ ءَ شور دئیگ ءَ پد، اسپهان ئے انکلاب آمیدگِس ئے دومی بهر ئے کازی «پرویز پور رزایی»، آییا پاھو ئے ھُکم داتگ. آیی شمبے روچ 13 اردیبهشت ماہ ءَ پہ ایوکیں واڈ ءَ شور دئیگ بوتگ.
گوشگ بیت کاسم ءَ، پرمندہ ئے دیمروی ئے وھدا، الزام ءُ تهمت رَد کرتگ اَنت ءُ ھمیں دوران ءَ کُرانی چہ بَرّ کرتگ۔ آییئے پاھو ئے ھُکم اے بُن گپّ ءَ رَند چہ بُرزیں دیوان ئے 27 اُمیں بهرا دو برا پروشگ بوتگ۔ بلے پدا ھم گوں اَچانکیں گامگیجی ءَ آیی پہ پاھو ئے دئیگ ءَ ایوکیں واڈ ءَ بَرَگ بوتگ.
ھمیں وڑا سئے دگہ بندیگ گوں آم ایں پرمندھاں کاسم ئے ھوری ءَ پہ ایوکیں واڈ ءَ شور دئیگ بوتگ اَنت کہ داں انگت ءَ آیانی پجّار ءُ مئیار اَلّما زانگ نہ بوتگ.
Be the first to comment