چھبار ءُ سرباز ءَ دو نوک ورنائے ھوریا سئے بلوچ دزگیر کنگ بوتگ

رَسانک نیوز/ چارشمبئے روچ 19 پروردین ماہ 1405 ءَ، دو نوک ورنائیں بلوچ کہ‌ امنیتی ٹولی ءَ چہ چھبار ءُ سرباز ءَ دزگیر کرتگ، ھمیں وڑا ماھی پیسرترا دزگیر بوتگیں بلوچی ءَ چیریں جاگهی داشتگ اَنت۔ آیانی لوگئے مردمانی رَندگیری روژنیں پسّویی دئیگ نہ بوتگ.

اے سئیں بلوچانی پجّار «ابدلرھمن رئیسی»، 17 سالگ، مولوی دوس‌مهمد رئیسی نسیرآباد ئے جمے پیش نماز ئے چُک، «الی‌ تلاتُپ»، 17 سالگ، ھر دو سرباز ئے نسیرآباد دمگئے نندوک ءُ ھاپز «یاسین تاج»، 30 سالگ، سرباز ئے الی‌‌آباد دمگئے نندوک گوَشگ بوتگ.

اے‌ ھالئے رِد ءَ، ابدلرھمن ءُ الی کہ‌ ماں تاریک 19 پروردین ماہ ءَ ماں چھبار ءَ امنیتی ٹولی ءَ دزگیر کرتگ اَنت، دزگیر بوھگئے دہ روچ ءَ پد ماں 29 پروردین ءَ پہ دُزاپ ءَ شور دئیگ بوتگ اَنت۔ ھمیں وڑا یاسین تاج کہ کِساس ماھی پیسرترا چہ سرباز ءَ دزگیر بوتگ دُزاپ ئے بندیگجاہ ءِ 9 نمبر واڈ ءَ دیم دئیگ بوتگ۔ ھاپز یاسین تاج مولوی ابدلکیوم تاج ئے کہ یکّے چہ سُنّی نبشتہ کاراں زانگ بیت برات اِنت۔ مولوی ابدلکیوم ءَ امنیتی ٹولی ءَ چُنت برا پہ جُست ءُ پرس ءَ بُرتگ.

دزگیر کنوکیں ادارہ ءُ ھمیں پئیما آیانی الّمیں دارگئے جاگہ تاں کہ اے وھدا زانگ نہ بوتگ، نہ کہ آیانی سرا بستگیں تهمت زانگ بوتگ.