رَسانک نیوز/ جمے 8 اسپند ماہ 1404، مردی کہ گوشنت ماں تاریک 4 اسپند ماہ دوشمبے بانگواہ ءَ دُزاپ ءِ آزادی 58 روڈ ءَ پرھاد مزارزھی ءَ کارچی کرتگ ءُ کُشتگ، گوں کسانیں پجّار (س.ن) پد چہ مولوی ابدلهمید ءُ ھاجی ابدلجلیل ئے میانجی گری ءَ وت ءَ دزاپ ءِ مکّی مسیت ءِ دست ءَ داتگ.
رَسانک ءِ ھال سرکنوکان ءَ گوشتگ: اے کار ءَ پد پہ آئی ءَ پروندہ جوڑ کنگ ءُ پہ اِنساپ ئے کارانی دیم ءَ برگ ءَ، تاں وھدے کہ بُنّ گپ گوں رازی نامہ ءُ سلاھ کاری ءَ بگیشّیت اِنساپ ءِ ادارہ آنے دست ءَ دیگ بوتگ.
ھال سرکنوکانی رِد ءَ، کُشوک ءَ گوشتگ پرھاد ءَ گوں دپ جنگی ءَ پد چہ تُرند بوھگ ءُ ھژم ءِ سوب ءَ اے کارے کرتگ۔ تا اِداں کہ پیسرا آیانی میان ءَ ھچ پیمیں جیڑہ ءُ جنجالی نہ بوتگ.
گوشگ لوٹیت: پرھاد مزارزھی 28 سالگ، دُزاپ ءِ شیرآباد دمگ ءِ نندوک ءَ، 4 اسپند ماہ ءِ بانگواہ ءَ سئے کارچ ماں سینگ ءُ دل ءِ نزّیک ءَ وارتگ ءُ ساہ داتگ.
Be the first to comment