شستون ءَ بلوچیں چُکّئے بیگواہ بوھگ ءَ سئے روچ اِنت برجاہ اِنت

رَسانک نیوز/ 4 اسپند ماہ 1404، شستون ءِ بکشان دمگ ءَ 14 سالگیں بلوچیں چُکّئے بیگواہ بوھگ ءَ سئے روچ گوستگ بلے داں انگت ءَ آئی ءِ ھالے سرپدئے دست نہ کپتگ، اے گپّ ءَ دل پریشانی ئے چَولی جھمننداں، ھاندان ءُ لوگئے مردمانی میان ءَ چِست کرتگ۔ اے چُک جمے نماز ءَ روگ ءَ پد، لوگ ءَ واتر نہ بوتگ ءُ چہ ھماں وھدا بیگواہ اِنت. لوگئے مردمانی جُھد پہ آئی ءِ شوہاز ءَ بے نتیجگ منتگ.

رَسانک ءَ اے چُکّئے پجّار «یھیی دھکان»، 14 سالگ، مولوی ابدلازیز ئے چُک، بُندر ءَ شستون ئے مردم زانتگ.

نزّیکان ءَ گوشتگ اے چُک پد چہ جمے نماز ءِ وانگ ءَ چہ مسیت ءَ در اَتکگ ءُ پدا ھچ کس ءَ آئی ءَ ندیستگ ءُ نہ کہ چہ آئی ءَ نشانگی دست کپتگ. لوگئے مردمان ءَ چہ مهلوک ءَ لوٹتگ اگاں کسی اے چُکّئے باراوا ھالے زانت یاں کہ ھالے دست کپت گوں اے نمبر آں بہ جُڑ اِیت.
09155478088
09906218088