پہرہ ءَ بلوچی کہ دو روچ پیسرا دزگیر کنگ بوتگ داں انگت ءَ بے ھالے سرپد ئے اِنت

رَسانک نیوز/ شمبے 2 اسپند ماہ 1404، بلوچیئے دزگیر بوھگ ءَ دو روچ گوستگ کہ جمے روچ ءَ 1 اسپند ماہ ءَ پد چہ جمے نماز ے وانگ ءَ امنیتی باسک ءِ سادہ پوشیں ٹولی ءَ دزگیر ءُ چیئریں جاگہے بُرتگ۔ داں انگت ءَ ھچ سرکاری ادارھی ءَ اے کاروایی ءِ زمہ واری نہ منّتگ ءُ ھاندان ءِ مردم چہ آئی ءِ ھال ءَ بے سرپد اَنت۔ اے بُن گپّ ءَ آئی ءِ جان دراہی ءُ دارگئے وڑ ءُ پیم ءِ بابت ءَ دل پریشانے گیش کرتگ اَنت.

رَسانک ءَ اے بلوچئے پجّار «ھامد رئیسی»، 21 سالگ، ابدلواھد ئے چُک، بُندر ءَ پہرہ ئے نندوک زانتگ.

رَسانک ءِ ھال سرکنوکانی رِد ءَ، ھماں وھدا کہ آئی چہ مسیت ءَ ڈنّ بوتگ دو زاتی گاڑیانی نندوکان ءَ دزگیر کرتگ ءُ گوں وت برتگ۔ اے گپّ ءِ گواہ یکی چہ دمگئے دکانداریں مردمان اِنت.

سربوتگیں ھالانی رِد ءَ، اے بلوچ سوشل میڈیا ئے جُھد کارے بوتگ ءُ چہ دزگیر بوھگ ءَ ماھی پیسرا آئی ءِ سیم کاٹ، بانک ئے ھساب بندگ بوتگ اَنت۔ اے کاروایی بید چہ سرکار ئے ھُکم ءُ وت سر کنگ بوتگ۔ اے جاور ءَ ھاندان ءُ لوگئے مردم ئے دل پریشانی گیش کرتگ.