رَسانک نیوز/ شمبے 18 بہمن ماہ 1404، بلوچی کہ ماں تاریک 15 دی ماہ ءَ، چہ دُزاپ ئے بُزرگمهر روڈ ءَ سلاہ بندین ءُ بے پجّاریں مردمان ءَ پہ ھژم ءُ تیرگواری ئے زورا آوار جتگ، ۳۳ روچ ءَ پد آجو بوتگ ءُ ھاندان ئے گُوَر ءَ پدتّر اِتگ.
رَسانک ءَ اے بلوچئے پجّار «مهمداُمر ھمر»، دُزاپ ءِ نندوکیں مردم ءُ مکّی مسیت ءَ دینی شَیئر ءُ سُرود ئے گُشندگی بوتگ.
دیمترا رَسانک ءِ ھال سرکنوکان ءَ گوشتگ: شپ ساھت 22:45 ئے نزّیک ءَ سلاہ بندیں مردمان ءَ اے بلوچ پہ زور وتی پراید گاڑی ءَ سوار کرتگ ءُ آوار جتگ۔ آوار جنوکان ءَ اے کاروایی ءَ پد آئی ءِ موبایل ءُ زاتی گاڑی ءَ جاہ ءَ یلاک داتگ ءُ گوں ھوایی تیرگواری ءَ چہ جاہ ءَ در شُتگ اَنت.
Be the first to comment