رَسانک نیوز/ 14 بہمن ماہ 1404، راسک ءَ سپاہ ئے چیئریں ادارہ ئے ٹولی ءَ بلوچی بید چہ آئی ءِ کسور ءُ میئار ئے گوشگ ءَ دزگیر کرتگ ءُ چیئریں جاگہے بُرتگ.
دزگیر بوتگیں بلوچئے پجّار «ابدلرھمن للہزھی»، 29 سالگ، کادربکش ئے چُک، آروس کرتگ ءُ بُندر ءَ سرباز ئے میرڈوک دمگئے مردم ءُ انّیگیں وھدا راسک ءِ پشامگ دمگئے جھمنند زانگ بوتگ.
اے ھالے رِد ءَ، سےشمبے بیگاھ ءَ سرباز ئے دپکور دمگ ءَ سپاہ ئے چیئریں ادارہ ئے ٹولی ءَ اے بلوچ چہ کارواشی ءَ بید چہ گناہ ءُ میئار ئے گوشگ ءَ دزگیر ءُ چیئریں جاگہے برتگ.
کاروایی ئے وھدا سپاہ ءِ چیئریں ادارہ ئے کارمند آئی ءِ گاڑی ھم گوں وت برتگ ءُ داں انگت ءَ لوگئے مردمان ءَ آئی ءِ ھچ پیمیں ھالے دست نہ کپتگ.
Be the first to comment