رَسانک نیوز/ پنچشمبے 9 بہمن ماہ 1404 ءَ، امبرآباد ئے نندوکیں بلوچی ماں تاریک پنچشمبے 18 دی ماہ ءِ بیگاہ ءَ بندراَبّاس ءَ تیوگیں ملک ءَ تالانیں مهلوکئے زھرشانی ئے وھدا چہ نزامی ٹولی ئے تیرگواری ءَ سر ئے پشت ءَ تیر وارتگ ءُ ساہ داتگ.
رَسانک ءَ اے بلوچئے پجّار «اھسان توپان»، 40 سالگ، (چتری کُٹھمدان)، ھسن ئے چُک، یک سئے سالگیں جَنِکلوکئے پت، بُندر ءَ امبرآباد ءُ انّیگیں وھدا بندراَبّاس ئے جهمنند زانگ بوتگ.
رَسانک ءِ ھال سرکنوکانے رِد ءَ، اھسان بندراَبّاس ءَ تیپاکس شرکت ءَ کار ءَ دلگوش بوتگ ءُ مهلوکئے زھرشانی ئے پادلپاش کنگئے وھدا ایران ءِ سرکاری میڈیا ئے ماڑی ئے دیم ءَ اُوشتوک بوتگ کہ چہ نزامی ٹولی ئے تَچکیں تیرگواری ءَ ماں سر ئے پُشت ءَ وینچستر تُپنگ ءِ تیر وارتگ ءُ جاہ ءَ ساہ داتگ.
ھال سرکنوکانی رِد ءَ، اھسان ءِ ھاندان پہ آئی ءِ بے ساھیں جون ئے دست گِرگ ءَ سوبین بوتگ اَنت۔ ھاندان ءَ یکشمبے روچ 21 دی ماہ ءَ بے ساھیں جون چہ کانونی ڈاکٹر آن ءَ دست گپتگ ءُ یک روچی پد ماں تاریک 22 دی ماہ ءَ امبرآباد ءَ گوں مردمانے ھوار بوھگ ءَ ھاک آں ایئر داتگ.
Be the first to comment