رَسانک نیوز/ جمے 19 دی ماہ 1404 ءِ بیگاہ ءَ، مشهد ءَ بلوچیں چُکّی مهلوکئے زھرشانی ئے پادلپاش کنگ ءِ وھدا چہ نزامی ٹولی ئے جنگی تیر ئے جنگ ءَ تیر وارتگ ءُ ساہ داتگ، اے چُکّ ءَ ھماں وھدا تیر وارتگ کہ زھرشانی ءَ ھچ بہرے نہ بوتگ ءُ بس وتی ھر روچئے روگ ءُ آھگ ئے راہ ءَ بوتگ.
کُشگ بوتگیں بلوچیں چُکّئے پجّار «ھُزیپا اوستا (زرگر)»، 11 سالگ، ھیدر ئے چُک، سجل ءَ آئی ءِ نام «میسم جهانتیگ مُپرد»، ابدلوھید ئے چُک، بُندر ءَ دُزاپ ءُ انّیگیں وھدا مشهد ئے جھمنند زانگ بوتگ.
ھال وشّ ئے ھالئے رِد ءَ، اے چُک مشهد ءِ شہرک رجایی ءَ ھُر روڈ ئے 13 نمبر ڈکّ ءَ شپ ءِ کریب ساھت 9 ءَ، مهلوکئے زھرشانی ئے پادلپاش کنگئے وھدا چہ لوگ ءَ پہ نان ءِ گِرگ ءَ ڈنّ بوتگ ءُ چہ نزامیانی تیرگواری ءَ ماں سینگ ءَ تیر وارتگ ءُ ساہ داتگ.
گوشگ بیت آئی ءِ بیگواہ بوھگ ءَ پد، ھاندان ءَ یک روچی توام پہ ھُزیپا ئے شوہاز کنگ ءَ کلانتری ءُ سرکار ئے امنیتی ادارہ آن ءَ ترّ ءُ تاب کرتگ۔ بلے امنیتی کارمندان ءَ گوشتگ آیان ءَ اے بابت ءَ ھچ وڑیں سرپدئے نیست اِنت۔ شمبے 20 دی ماہ ءَ لوگئے مردمان ءَ مشهد ئے امام زمان نادراہجاہ ءَ آئی ءِ اَکس ءَ زھرشانی ئے پادلپاش کنگ ئے وھدا کُشگ بوتگیں مهلوکئے میان ءَ پجّار آرتگ.
اے چُکّئے بے ساھیں جون بید چہ لوگئے مردمانی سہیگ کنگ ءَ مشهد ئے رزا گُلباگ ءَ سر کنگ بوتگ۔ دو روچ ترّ ءُ تاب ءَ پد ھاندان ءَ آئی ءِ بے ساھیں شوہاز کرتگ۔ دوشمبے 22 دی ماہ ءَ اے چُکّئے بے ساھیں جون ھاندان ئے دست ءَ دیگ بوتگ ءُ مشهد ئے دستگردان ہڈ ایئردے ءَ ھاک آں گوں ھوار بوتگ.
اولین نفری باشید که دیدگاه مینویسد