رَسانک نیوز/ مروچی شمبه 4 بہمن ماہ 1404 ءَ، کشم ئے شہربند ءِ بلوچیں جَمادارے، پنچشمبے 18 دی ماہ ءِ بیگاہ ءَ، اے جزیزہ ءَ زھرشانی کنوکیں مهلوکئے پادلپاش کنگئے وھد ءَ، چہ نزامی ءُ امنیتی ٹولی ئے تَچکیں تیرگواری ءَ ساہ داتگ.
کُشگ بوتگیں بلوچئے پجّار «ناسرجهان بین (دھانی)»، کِساس 25 سالگ، ابدلکادر ئے چُک، پہرہ ئے اھمدآباد دمگئے نندوکیں مردمی زانگ بوتگ.
اے ھالئے رِد ءَ، ناسر کشم ئے شہربند ءَ جَماداری ئے کار ءَ دلگوش بوتگ ءُ 18 دی ماہ ءِ بیگاہ ءَ زھرشانی کنوکیں مردمانی پادلپاش کنگ ئے وھدا نزامی ءُ امنیتی ٹولی ئے تچکیں تیرگواری ءِ دپّ ءَ کپتگ ءُ ماں گردن ءِ شاھرگ ءَ تیر وارتگ ءُ ساہ داتگ.
اے بلوچئے بے ساھیں جون دوشمبے 22 دی ماہ 1404 ءَ آئی ءِ پیداک بوھگ ئے دمگ ءَ پہرہ ئے اھمد آباد ءَ ھاک آں ھوار کنگ بوتگ.
اولین نفری باشید که دیدگاه مینویسد