رَسانک نیوز/ چارشمبے 1 بہمن ماہ 1404 ءَ، انسارالپرکان ئے سلاہ بندیں گل ءَ امنیتی ادارہ آنے ایئر دستیں میڈیا ءِ جار ءَ پد کہ چیئریں ادارہ ئے نیمگ ءَ گوشتگی: ھوریں کاروایی ءَ کہ سپاہ کُدس ءِ بُنجاہ، سیستان ءُ بلوچستان ءِ چیئریں ادارہ ءُ انتزامی کورکمانڈر ءَ آئی ءِ تہا بہر زورتگ ءُ انسارالپرکان سلاہ بندیں گل ئے یک پدایی کُشگ ءُ یازدہ دگہ دزگیر بوھگئے داوا ءَ دروگ زانتگ ءُ رَد کرتگ.
اے گل ئے جارتاک ءَ گوشگ بوتگ: رژیم ئے مئی پدائیانی کُشگ ءُ دزگیر کنگ ءِ داوا دروگ ءُ بے بنیاتیں ھبر اَنت کہ سرکار ءُ آئی ءِ چہ کار کپتگیں میڈیا ئے پہ انّیگیں ڈوھ آنے سرا پردگ ئے جُھد اِنت.
اے جارتاک ءَ دیمترا گوشتگ: اے مردم کہ سرکاری میڈیا ءَ گوں ما جُڑینتگ ءُ آئی ءِ کُشگئے داوا کرتگ مئی گل ءَ ھوار نہ بوتگ، بلے آؤکیں روچاں اے گل رژیم ئے کارندگ آنی سرا چہ ھماں جاہ ءَ کہ آیانی پکر کار نہ کنت اُرش کننت.
گوشگ لوٹیت: چیئریں ادارہ ئے رپوٹ ءَ اے ھال شنگ کتگ کہ چیئریں ادارہ ءُ سلاہ بندیں گل ئے میان ءَ ٹکّر ئے وھدا مردمی گوں مهمد شاھوزھی ئے پجّار ءَ کُشگ بوتگ. امنیتی ادارہ ءَ داوا کرتگ اے سلاہ بندیں مردمان ءَ لوٹتگ سوبہ سیستان ءُ بلوچستان ءَ تروریستی کاروایی بہ کننت ءُ دُزاپ ءِ کشّ ءُ کِرّیں دمگ آن ءَ چیئر بوتگ اَنت.
داں انگت ءَ اے بابت ءَ گیشتریں ھالے دست نہ کپتگ.
اولین نفری باشید که دیدگاه مینویسد