رَسانک نیوز/ یکشمبے 21 دی ماہ 1404، راجی جُھدکارانے گل ءَ گوں کسانیں جارتاک ئے شِنگ کنگ ءَ گوستگیں روچ ءَ دشتیاری ءِ کرکی دمگ ءِ نزّیک ءَ نزامی دستہ ئے سرا اُرش ءِ زمہ واری منّتگ۔ اے اُرش ءَ یک نزامی کارمندے کُشگ ءُ یکی دگہ ٹپیگ بوتگ.
جارتاک ءَ گوشتگ: سجهیں مُلک ءَ زھرشانی کنوکیں مردمانی پادلپاش کنگ ءُ آیانی سرا ٹاھینتگین ءُ برجاھیں زور ءُ ھژم ئے کارمرز کنگ ءِ پسّو ءَ اے بُنک ءَ ماں دشتیاری ءَ نزامی ٹولی ئے گاڑی ئے سرا اُرش کرتگ کہ گاڑی ءَ نندوکیں کارمند کُشگ ءُ ٹپیگ بوتگ اَنت.
راجی جُھدکارانی گل ءَ زور داتگ زھرشانی کنوکیں مردمان ءَ پہ زور ءُ ھژم ءَ پادلپاش کنگ ماں بلوچستان یاں کہ در بلوچستان بہ بیت، بے پسّو پَشت نہ کپیت. انّیگیں جاورانی زمہ وار ھکومت اِنت پرچی ءَ کہ سرکار ءَ مهلوک ئے پہ ایمنی ءِ سرا ھکّ ءِ لوٹگ ءِ راہ بستگ ءُ آیانی لوٹانی پسّو ءَ گوں تیر دنت.
دیمترا رَسانک ءَ ھال سر کرتگ، 20 دی ماہ ءِ بیگاہ ءَ دشتیاری ءَ چہ سلاہ بندیں مردمانی نزامی ٹولی ئے گاڑی ءِ سرا تیرگواری ءَ یک نزامی کارمندے کُشگ ءُ یکی دگہ ٹپیگ بوتگ۔ اے ویل کریب ساھت 18:30 ءَ دشتیاری ئے کروکی دمگ ءِ نزّیک ءَ پیش اَتکگ کہ سلاہ بندیں مردمان ءَ نزامی دستہ ئے گاڑی ءِ سرا تیرگواری کرتگ، اے تیرگواری ءَ یک نزامی کارمندے کُشگ ءُ دگرے ٹپیگ بوتگ.
رَسانک ءَ کُشگ بوتگیں کارمندے پجّار گوں ھاندانے نام «میر»، بُندر ءَ زابل ئے نندوک ءُ ٹپیگ بوتگیں کارمند ئے پجّار گوں ھاندانی نام «کمالی»، شیراز ئے نندوکیں مردمی زانتگ، ھر دو شیرگواز پاسگاہ ئے کارمند بوتگ اَنت.
اولین نفری باشید که دیدگاه مینویسد