رَسانک نیوز/ مروچی 4 دی ماہ 1404 ءَ، شپ ءِ ساھت 12:15 ءِ وھدا میرجاوہ ئے روتک ئے سیمسر ءِ راہ آں چیئرکوہ دمگ ءَ سلسہ بندیں دُزّاں چُنت ٹیلکشّیں گاڑیانے پدا کپتگ اَنت ءُ تیرگواریش کرتگ۔ اے گِر ءُ تاچ ءَ ٹیلکشّیں گاڑی یے چہ راہ ءَ در اَتکگ ءُ لیٹ وارتگ۔ اے ویل ءَ چہ تُرندیں تیرگواری ءُ ھترناکیں جاور آن ءَ کسّی ءَ جانے نُکس نہ بوتگ.
رَسانک ءِ ھال سرکنوکان ءَ گوشتگ: سلاہ بندیں دُزّاں گوں توتا گاڑی ءَ ٹیلکشّ آنے پدا کپتگ ءُ تیرگواریش کرتگ۔ دُزّان ءَ یک سی تیری ءُ دو وتاس گوں بوتگ۔ یکّیں دُزّ ءَ، ھمراہان ءَ (مهمد) توار جتگ، آیان ءَ اے گِر ءُ تاچ ءَ ٹیلکشّ آنے سرا تیرگواری کرتگ.
ھال سرکنوکان ءَ گوشتگ: ٹیلکشّ آنے یک سایپا باری گاڑی یے، اے گِر تاچ ءُ تیرگواری ءَ چہ راہ ءَ در اَتکگ ءُ لیٹی وارتگ۔ ایش ءَ پد ٹیلکشّئے ھمراہ جاہ ءَ سربوتگ ءُ ویل ءَ دپ کپتگیں وتی ھمراہ ءَ کمکش کرتگ۔ گُڑسرا سلاہ بندیں دُزّاں ناچار بوتگ اَنت کہ چہ جاہ ءَ در برو اَنت.
Be the first to comment