رَسانک نیوز/ چارشمبے 26 آزر ماہ 1404 ءَ، بلوچے کہ ماں تاریک 25 مہر ماہ ءَ واش ءَ چہ وتی لوگ ءَ در کپتگ ءُ داں انگت لوگ ءَ واتر نہ بوتگ، سیاد ءُ لوگئے مردماں پہ آئی ءِ ھالے سرپدئے باز تر ءُ تاب کرتگ بلے آیاں ھچ پیمیں دلجمیں ھالے دست نہ کپتگ۔ اے پیم ءَ ھاندان ئے دل پریشانی گیش تر بوتگ.
رَسانک ءَ اے بلوچئے پجّار «ابدلباری نورزھی»، ابدلرھمان ئے چُک ءُ واش ئے نندوکیں مردمی زانتگ.
رَسانک ئے ھال سرکنوکانی رِد ءَ، ابدلباری چہ لوگ ءَ دَر اَتکگ ءُ پدا واتر نہ بوتگ۔ ھاندان ءَ پہ آئی ءِ ھالے سرپدئے دست کپگ ءَ باز تر ءُ تاب کرتگ بلے الکاپین ءُ پکّائیں ھالی آیاں دست نہ کپتگ.
ھاندان ءَ اے نمبر آں شنگ کرتگ
09369296549
09232155360
ءُ چہ مردم ءُ مهلوک ءَ پہ آئی ءِ شوہاز کنگ ءَ کمک لوٹتگ۔ ھر کس اے باراوا ھالی زانت یاں کہ کسی ءَ اے بابت ءَ ھالے دست کپت ھالاں پہ ھمیں نمبر آں سر بہ کنت۔ لہتیں ھالانے رِد ءَ، بلکیں اے بلوچ دزگیر ءُ چہ سیمسراں در کنگ بوتگ، بلے گوں ایشی ءَ کہ آئی ءِ بیگواہ بوھگ ءَ مزنیں وھدی گوستگ، زمہ واران ءَ ھم اے درگت ءَ بُنگپ اِش روژن نہ داتگ.
Be the first to comment