رَسانک نیوز/ دوشمبے روچ 24 آزر ماہ 1404 ءَ، سب ءُ سوران ءَ بلوچی ورنایی چہ لوگ ءَ ڈنّ بوھگ ءَ پد، بے پجّاریں مردمان ءَ کارچ کرتگ ء کُشتگ.
ساہ داتگیں ورنا ئے پجّار «اِمران پُرکی»، 16 سالگ، اُمر ئے چُک، بُندر ءَ سب ءُ سوران ئے مردمی زانگ بوتگ.
رَسانک ئے ھال سرکنوکانی رِد ءَ، اے بلوچے ورنا بیگاہ ئے بانگ ءَ پد، چہ لوگ ءَ ڈنّ شُتگ ءُ چُنت دکیکت ءَ پد بے پجّاریں مردمان ءَ کارچ کرتگ ءُ آئی ءَ چہ ٹپّانے باز بوھگ ءَ ساہ داتگ۔ اے ویلئے کنوکاں پد چہ اے ورنا ئے کارچ کنگ ءَ چہ جاہ ءَ در شُتگ اَنت.
جنوکانے سوب ءُ آیانی پجّار داں انگت زانگ نہ بوتگ.
Be the first to comment