ریمدان ءِ سیمسرانی راہ ءَ دو ٹیلکشّیں گاڑیانے زوریں ٹوکر ءَ چار بلوچے ٹیلکشّ کُشگ ءُ ٹپیگ بوتگ

رَسانک نیوز/ 14 آزر ماہ 1404 ءَ، دشتیاری ءَ ریمدان ئے سیمسرانی راہ آں ریمدان کمال دمگئے نزّیک ءَ، ٹیلکشّیں دو لندکروز گاڑیانی زوریں ٹوکر ءَ فو بلوچے ٹیلکشّ ءَ ساہ داتگ ءُ دو دگر ئے گردن ءُ پاد پُروشتگ ءُ ٹپیگ بوتگ اَنت.

‌یکی چہ ساہ داتگیں بلوچے ٹیلکشّ آنے پجّار «دوشمبے بلوچ»، 32 سالگ، سوبان ئے چُک، دشتیاری ءَ باھو کلات ئے سولدان دمگئے نندوک زانگ بوتگ۔ ساہ داتگیں دومیئں بلوچے ٹیلکشّ ھم ھمیں دمگئے نندوکیں مردمی گوشگ بوتگ، بلے آئی ءِ پجّار الّم نہ اِنت. ھمیں وڑا ٹپیگ بوتگیں دوئیں ٹیلکشّ آنے پجّار «آرپ بلوچ»، 26 سالگ، پکیئر مهمد ئے چُک، آروس کرتگ ءُ یک زھگئے پت۔ «مهمد توزیدہ»، 15 سالگ، رزاک ئے چُک، بُندر ءَ دوئیں سند باھو (سند نورمھمد)، دشتیاری ئے باھو کلات زِلّھ ئے نندوکیں مردم گوشگ بوتگ اَنت.

اے ھالئے رِد ءَ، ویل سُہب ءِ ساھت ھشت ءَ ھماں وھدا کہ دوئیں لندکروز گاڑیان ءَ یکّا دگرا گوں زوریں ٹوکر وارتگ، پیش اَتکگ، ٹوکر ئے زور ھمینچو باز بوتگ کہ گاڑیانے دو نندوک ءَ ساہ داتگ ءُ دو دگہ سکّ ءَ ٹپیگ ءُ پُروشتگ اَنت کہ نادراہجاہ ءَ سر کنگ بوتگ اَنت.