رَسانک نیوز/ چارشمبے روچ 12 آزر ماہ 1404 ءِ بانگواہ ءَ، بندراَبّاس ئے بندیگجاہ ءَ بلوچے بندیگے کہ دیمترا پہ کوش ئے الزام ءَ دزگیر ءُ پاھو ئے ھُکمی وارتگ، زندان ئے زمہ وار آن ءَ پاھو داتگ.
اے بلوچی بندیگئے پجّار «یوسپ جمشیدی (سهرابی)»، 22 سالگ، گُلشاہ ئے چُکّ، بُندر ءَ میناب ءَ توکهور زِلّھ ئے کهنان سرنی دمگ ءِ نندوکیں مردمی زانگ بوتگ.
گؤشنت: سال 1401 ءَ یوسپ ھوریں جیڑہ ءُ ھشری ءَ پد، پہ کوش ءِ الزام ءَ دزگیر کنگ بوتگ ءُ اُدے آمیدگِس ءَ پاھو ئے ھُکم داتگ، 11 آزر ماہ ءَ آئی ءَ گوں لوگئے مردمان ءَ گُڑسریں گِندوک کرتگ۔ آئی ءِ ھاندان ءَ بَزّگی ءُ ناچاری ئے سوب ءَ نہ توانتگ وکیلی بہ دار اَنت ءُ یاں کہ ھون بہاء بہ دینت.
Be the first to comment