رَسانک نیوز/ مروچی چارشمبے 12 آزر ماہ 1404 ءِ بانگواہ ءَ، بم ئے بندیگجاہ ءَ بلوچے بندیگے کہ دیمترا پہ مواد ءِ الزام ءَ پاھو ئے ھُکمی وارتگ، پاھو دیگ بوتگ.
اے بلوچے بندیگئے پجّار «کیوان شہ بکش»، بہادر ئے چُک، آروس کرتگ، یک زھگ ئے پت ءُ دُزاپ ءِ دومگ دمگ ءِ نندوکیں مردمی زانگ بوتگ.
رَسانک ءِ ھال سرکنوکانے رِد ءَ، کیوان ماں سال 1400 ءَ بم ءِ شہر ءَ پہ مواد ئے الزام ءَ دزگیر بوتگ ءُ اُدے انکلاب آمیدگِس ءَ آئی پاھو ئے ھُکم داتگ۔ بم ئے بندیگجاہ ئے زمہ واران ءَ دوشمبے روچ 10 آزر ماہ ءَ اے بندیگ پہ پاھو ئے دیگ ءَ ایوکیں واڈ ءَ شور داتگ. آئی ءِ لوگئے مردم ھم پہ گُڑسریں دیدار ءَ چہ دُزاپ ءَ پہ دیم بم ءَ سپر کرتگ.
Be the first to comment