رَسانک نیوز/ چارشمبے 5 آزر ماہ 1404 ءِ بانگواہ ءُ 9 آزر ماہ ءَ دو بلوچے بندیگ کہ دیمترا پہ مواد ءِ الزام ءَ دزگیر ءُ گوں پروندہ ئے دیمروی ءَ پاھو ئے ھکمش وارتگ، ماں شیراز ئے آدل آباد ءُ کرمان ئے مزنیں بندیگجاہ ءَ پاھو دیگ بوتگ اَنت.
ھال وشّ ءَ شیراز ءَ پاھو دیگ بوتگیں بلوچے بندیگئے پجّار «ابدلرھمان نهتانی»، 50 سالگ، ابدلمجید ئے چُکّ، آروس کرتگ ءُ چار زھگئے پت، بُندر ءَ دُزاپ ءِ نندوک، کرمان ءَ پاھو دیگ بوتگیں بلوچے بندیگئے پجّار «منسور جلالی»، آروس کرتگ، سئے زھگئے پت، نرماشیر ئے چاھدکال دمگئے نندوک زانتگ.
اے ھالئے رِد ءَ، ابدلرھمان نهتانی ماں سال 1399 ءَ شیراز ءَ پہ مواد ئے الزام ءَ دزگیر ءُ گوں پروندہ ئے دیمروی ءَ اُدے انکلاب آمیدگِس ءَ آئی پاھو ئے ھُکم داتگ۔ ھمیں وڑا منسور جلالی چُنت سال پیسرا کرمان ئے سوبہ ءَ پہ مواد ءِ چِست ءُ ایئر کنگ ءَ دزگیر ءُ کرمان ئے انکلاب آمیدگِس ءَ پاھو ئے ھُکم داتگ.
Be the first to comment