مگس ءَ سلاہ بندیں مردمیئے تیرگواری ءَ، دو گُونڈیں چُکّئے ھوری ءَ سئے مردم کُشگ ءُ ٹپیگ بوتگ

رَسانک نیوز/ یکشمبے 25 آبان ماہ 1404 ءِ بانگواہ ءَ، مگس ءَ سلاہ بندیں مردمی یے تیرگواری ءَ پت ءُ دو گونڈیں چُک، کُشگ ءُ ٹپیگ بوتگ۔ اے ویل ءَ شش سالگیں چُکّی کُشگ ءُ آئی ءِ پت ءُ دہ سالگیں برات ٹپیگ بوتگ اَنت۔ اے ویل ھماں وھدا پیش اَتکگ کہ اے چُکّانی پت چُنت دکیکت دیمترا گوں سلاہ بندیں مرد ءَ دپ جنگی بوتگ، ایشی ءَ پد سلاہ بندیں مرد ءَ تیرگواری کرتگ.

کُشگ بوتگیں چُکّئے پجّار «پدرام پُرکی»، شش سالگ، ٹپیگ بوتگیں چُکّئے پجُار «اُوسمان پُرکی»، دہ سالگ، آیانی پت ءِ ھوری ءَ «ملک‌مھمد پُرکی»، اُوسمان ءِ چُک، سجهیں مگس ءَ کہن مگار دمگ ءِ نندوکیں مردم زانگ بوتگ اَنت.

رَسانک ءِ ھال سرکنوکانے رِد ءَ، اے ویل شپ ءِ ساھت 12:30 ءَ پیش اَتکگ ویلئے دپ کپتگیں سئیں مردم پژو 405 گاڑی ءَ نندوک بوتگ اَنت ءُ ھوری ءَ تیرش وارتگ۔ آیانی میان ءَ شش سالگیں چُکّ ءَ ماں زندگ داروکیں بہر آن ءَ تیر وارتگ ءُ ساہ داتگ۔ پت ءُ آئی ءِ دہ سالگیں چُکّ ءَ لاپ ءُ ماں پھلوگ ءَ تیر وارتگ ءُ سکّ ءَ ٹپیگ بوتگ اَنت۔ نادراہجاہ ءَ سرکنگ ءَ پد آیانی ماں آئی سی یو واڈ ءَ ھیالداری بوھگ اِنت.