رَسانک نیوز/ مروچی پنچشمبے 22 آبان ماہ 1404 ءَ، دشتیاری ءَ شهبیکزھی دمگ ءِ نزّیک ءَ دو ٹیلکشّیں توتا ھالیگیں گاڑیانی ٹوکر ورگ ءُ در گِرگ ءَ دو بلوچے ٹیلکشّ ءَ ساہ داتگ.
رَسانک ءَ یکی چہ ٹیلکشّ آنے پجّار «جاسم رئیسی»، نزیر ئے چُک، آروس کرتگ ءُ زھگانی پت، بُندر ءَ سرباز ءِ کجوم دمگ ءِ نندوک زانتگ، داں انگت ءَ دومے ٹیلکشّئے پجّار زانگ نہ بوتگ.
رَسانک ءِ ھال سرکنوکانے رِد ءَ، اے ویل نیم روچئے وھدا دشتیاری ءُ راسک ءِ راہ ءَ شهبیگزھی دمگ ءِ نزّیک ءَ پیش اَتکگ ءُ دوئیں گاڑیاں ٹوکر ءَ پد در گِپتگ اَنت۔ دمگ ءِ نندوکیں مردمان ءُ رھگوز آن ءَ واک کرتگ کہ آیانے جون چہ گاڑیان ءَ در بہ کننت، بلے گاڑی سجهیں سوتکگ اَنت.
Be the first to comment