رَسانک نیوز/ 20 آبان ماہ 1404 ءِ شپ ءَ، راسک ءَ گوں مولوی پزل الرھمن کوھی ءُ دمگ ءِ با بہروسہ این ءُ سروکیں مردمانی میانجی گری ءَ للہزھی کبیلہ ئے (نورآباد) دمگ ءُ ملکرئیسی کبیلہ ئے چہ کارگاہ (نزرآباد)، دمگ ءَ پد چہ اَڑ ءُ جیڑ، دوئیں نیمگ ءِ لہتیں مردمئے ٹپیگ بیئگ ءُ بازیں مالی نُکس ءُ تاوان ءَ رازی نامہ ءُ سلاھ کاری بوتگ.
اے سلاھ کاری ءُ رازی نامے ئے دیوان ماں کارگاہ دمگ ءَ پارود ءِ دوراھی ءِ نزّیک ءَ برجم دارگ بوتگ۔ اے دیوان ءَ دینی زانتکاراں، اسپیت ریشاں، دمگ ءِ با بہروسہ ایں مردمان ءُ جھمنندان ءَ بہر زورتگ۔ دیوان ءَ دوئیں نیمگ ءِ مردمان ءَ چہ وتی کرتگیں کاران ءَ پشیمانی درا کرتگ ءُ گوں یکّا دگرا دوستی ئے دست داتگ.
دیوانئے گُڑسرا، دوئیں نیمگ ءِ مردمان ءَ چہ سرکار ئے ادارہ آن ءَ پروندہ ئے چُٹّارینگ ءَ سلاھ نامہ ئے سرا دسھت کرتگ ءُ اھد اِش بستگ کہ جیڑہ ءُ ٹکّر آں آسر کننت.
Be the first to comment