رَسانک نیوز/ دوشمبے روچ 19 آبان ماہ 1404 ءِ بانگواہ ءَ، بیرجند ءِ بندیگجاہ ءَ بلوچے بندیگ ئے ھوری ءَ چار بندیگ بید چہ ھاندان ءِ سہیگ کنگ ءُ گُڑسریں دیدار ءَ پاھو دیگ بوتگ.
پاھو دیگ بوتگیں بلوچے بندیگ ئے پجّار «ابدلکریم ساسولی»، 60 سالگ، آروس کرتگ ءُ ھپت چُکّ ئے پت، بُندر ءَ زابل ءِ نندوکیں مردمی زانگ بوتگ.
ھال وشّ ءِ ھال آنے رِد ءَ، ابدلکریم سئے سال دیمترا بیرجند ءَ پہ مواد ءِ چِست ءُ ائیراں دزگیر بوتگ ءُ اُدے انکلاب آمیدگِس ءَ آئی پاھو ئے ھُکم داتگ۔ مروچی بیرجند ءِ بندیگجاہ ءَ بید چہ لوگئے مردمانے گُڑسریں دیدار ءَ پاھو دیگ بوتگ.
داں انگت ءَ اں دگہ بندیگ آنے پجّار کہ ابدلکریم ءَ گوں ھوری ءَ پاھو دیگ بوتگ اَنت، زانگ نہ بوتگ.
Be the first to comment