کاین ءُ بیرجند ئے راہ ءَ، نزامی ٹولی ءِ تیرگواری ءُ گاڑی ئے بُن گِرَگ ءَ بلوچے ٹیلکشّے کُشگ بوتگ

رَسانک نیوز/ شمبے 17 آبان ماہ 1404 ءِ شپ ءَ، کاین ءُ بیرجند ءِ راہ ءَ چہ نزامی چیک پوست ئے ٹولی ءِ تیرگواری ءَ بلوچے ٹیلکشّئے گاڑی ءِ لیٹ ورگ ءَ گوں بُن گپتگ ءُ ڈریور ءَ ماں آس ءَ ساہ داتگ.

اے بلوچے ٹیلکشّئے پجّار «موسا باجیزھی»، 25 سالگ، ابراھیم ءِ چُکّ، سرهس ئے نندوکیں مردمی زانگ بوتگ.

اے ھالے رِد ءَ، نزامی ٹولی ءَ بید چہ پیسریگیں اُوشت ئے دیگ ءُ توار ءَ تیرگواری کرتگ کہ ٹیلکشّئے گاڑی ءَ لیٹ وارتگ ءُ درگپتگ، ڈریور ماں آس ءَ سوتکگ ءُ ساہ داتگ.