رَسانک نیوز/ یکشمبے 18 آبان ماہ 1404 ءَ، بمپور ءِ نورآباد ھنزراں دمگ ءِ نزّیک ءَ نزامی ٹولی ءُ بلوچیئے میان ءَ ٹکّر ءَ، بلوچ کُشگ ءُ دو نزامی کارمند ٹپیگ بوتگ.
کُشگ بوتگیں بلوچے پجّار «پرویز پیروزی»، 26 سالگ، دوست مھمد ءِ چُک، آروس کرتگ ءُ بُندر ءَ بمپور ئے ھئیرآباد نایگون دمگ ءِ نندوکیں مردمی زانگ بوتگ.
رَسانک ءِ ھال سرکنوکانے رِد ءَ، اے ٹکّر ءَ پرویز پیروزی ءَ ساہ داتگ ءُ دو نزامی کارمند ٹپیگ بوتگ۔ سرکاری میڈیا ءَ گیشتریں ھالے اے بابت ءَ شنگ نہ کرتگ ءُ کُشگ بوتگیں بلوچ ءَ سلاہ بندین ناشرکار ءُ کوش کنوکیں مردمی گوشتگ۔ سرکاری میڈیا ءَ داوا کرتگ کہ اے کاروایی ءَ ایوک ءَ یک نزامی کارمندی ٹپیگ بوتگ.
Be the first to comment