تپتان ءَ بے سجلیں بلوچے دزگیری ءَ پد ھالے سرپد ئے نیست اِنت

رَسانک نیوز/ زی دوشمبے 12 آبان ماہ 1404 ءَ، تپتان ءِ سیمسرانی بازارچہ ءَ بے سجلیں بلوچے کارگری کہ بڈّوکی ئے کارا دلگوش بوتگ، سیمسراں چاروگیں امنیتی ٹولی ءَ دزگیر کرتگ ءُ میرجاوہ ئے چئیریں ادارہ ءَ داتگ. آئی ءِ ھاندان ءَ پہ ھال سرپدئے چئیریں ادارہ ءَ شُتگ اَنت بلے زمہ واران ءَ الکاپین ءُ دلجمیں پسّویی نہ داتگ۔ اے گپّ سیاد ءُ لوگے مردمانی دل پریشانی گیش کرتگ.

رَسانک ءَ اے بلوچے پجّار «یاکوب براھویی»، لال‌مھمد ءِ چُک، آروس کرتگ ءُ دو زھگئے پت بُندر ءَ میرجاوہ ئے نندوک زانتگ.

رَسانک ءِ ھال سرکنوکانے رِد ءَ، آئی تپتان ءِ سیمسراں بڈّوکی ءُ دس پِنچی ءَ دلگوش بوتگ۔ پہ سجلئے نہ بوھگ ءَ سیمسرانی امنیتی ٹولی ءَ دزگیر ءُ میرجاوہ ئے چئیریں ادارے دست ءَ داتگ۔ آئی ءِ لوگئے مردمان ءَ پہ ھال سرپدئے امنیتی ادارہ آن ءَ باز تر ءُ تاب کرتگ، بلے آیان ءَ ھم گوشتگ اے باراوا سرپد نہ اَنت.

ھال سرکنوکان ءَ گوشتگ: میرجاوہ ئے چئیریں ادارے زمہ وارانے اے وڑیں پیش اَتک ءُ الکاپیں پسّو ئے نہ دیگ ءَ ھاندان ءِ مردم ھاس کار آئی ءِ مات سکّ ءَ دل پریشان کرتگ۔ آئی پہ وتی چُک ءِ جان دراہی ءُ سرنبشت ءَ سکّ ءَ دل پریشان اِنت.

بلوچستان ءُ ایران ئے آں دگہ سوبہ آن ءَ بازیں بلوچے بے سجل ءُ پجّار ئے کاگد اَنت۔ ڈلگ چاری ئے سیاست ءُ ادارہ آنے ثهدگیری ھاس کار سوبہ ءُ شہر آنے ایمن کنوکیں شورا آں، بازیں بلوچے پہ زور بے سجل کنگ بوتگ ءُ بے پجّار ءَ پَشت کپتگ اَنت.