چھبار ءَ سلاہ بندیں دُزّانی تیرگواری ءَ نوک ورنائیں بلوچے کُشگ بوتگ

رَسانک نیوز/ چارشمبے 7 آبان ماہ 1404 ءِ شپ ءَ، چھبار ءَ نوک ورنائیں بلوچے وتی پٹ پٹی ئے رکّینگ ءِ جُھد ءِ وھدا چہ دُزّانی تیرگواری ءَ کُشگ بوتگ.

اے نوک ورنائیں بلوچے پجّار «ابوالپزل مرادزھی»، 16 سالگ، ابدل ناسر ئے چُک، ھشتمیں کلاسئے نودربر ءُ بُندر ءَ سب ءُ سوران ئے نندوکیں مردم ءُ انّیگیں وھدا چھبار ءِ جھمنند زانگ بوتگ.

رَسانک ءِ ھال سرکنوکانے رِد ءَ، شپ ءِ وھدا کہ دُزّان ءَ لوٹتگ آئی ءِ پٹ پٹی ءَ بہ دُزّنت گُڑا آئی دُزّانی دیم دارگ ءِ جُھد کرتگ ءُ نہ ھشتگی دُزّاں پٹ پٹیا بہ براَنت. ھمیں وھدا یکی چہ دُزّان ءَ آئی ءِ سرا تیرگواری کرتگ، ابوالپزل ءَ ماں دل ءَ تیر وارتگ ءُ ھماں دمان ءَ ساہ داتگ.